పాదు కలిచ్చినదెవరు భరతునకును
ఎవరినెత్తుకు వచ్చేను రావణుండు
ఎవరికాత్మలింగంబు తా నిచ్చె శివుడు
రాముడిచ్చెను సీతను రావణునకు  

నీతి యన్న మాట నేటి కాలమునందు
నేతి బీరకాయ నేయ్యి యయ్యె
తెలివి జూపి ప్రజల తెగదోచుకొనెడి
నీతి లేని వారె నేత లైరె

స్వాగతమ్మని శంకరార్యులు స్వాగతించిరి నన్నిటన్
నాగతమ్ముల సూకృతమ్ములు నన్ను నేడిట జేర్చెనే
ఈగణమ్మునచేరినంతనె యిట్టె బుట్టునె పద్యముల్
ఓగణాధిప నిన్ని వేడెద ఒజ్జయై పలికించవే

వర్ణంబన బంగారము
వర్ణములన యక్షరములు వర్ణము గుణముల్
వర్ణింపనలవి కాని యీ
వర్ణములను వదలి వేయ వైభవమగునే?